| Profil de CHANKingology~king_5464PhotosBlogListes |  Outils  Aide |
|
Kingology~king_546429 novembre 2008.11.20/25 HKU graduation感謝主, 我畢業啦! Thank you for all who supported me throughout the program. Thank you truly.
2008.11.23 家常便飯無火烹飪嘉年華今次有幸可以係觀塘參加家常便飯無火烹飪嘉年華﹐ 又可以表演魔術﹐ 在此十分感激基督教家庭服務中心既社工同埋呀濤。 今次雖然唔係第一次做街show, 但係係我第一次做露天既show, 不過好彩﹐ 當日天氣好好﹐ 唔係好大風。 無驚無險甘完成左今次既魔術表演。 今次活動既主題係有關觀塘重建既活動﹐ 所以主題著重於 ~ 重建﹐ 家人溝通最重要﹔ 溝通﹐ 家常便飯不可少。 今次表演最有挑戰既係做既魔術要配合活動既主題。 所以係選擇魔術既時候花了不少心機。 今次既表演令我覺得表演魔術可能唔係一件難事﹐ 但係要表演一段有意思而又令觀眾印象深刻既魔術真係好難。 今次表演令我深刻感受到魔術表演﹐ 技巧當然重要﹐ 但係講稿既內容對魔術本身個效果影響好大。 講稿既內容要配合個魔術同主題﹐ 要做到life learning真係唔容易。 好彩同呀濤諗左甘內﹐ 算係有D成果啦! 今次好多謝17同呀濤幫我執左好多技巧上既事情﹐ 令我既魔術有所成長, 使我既魔術更加成熟 (雖然仲有好多進步既空間)。 第一次同呀濤合作﹐ 大家合作愉快吧!! 希望將來可以再係觀塘表演魔術比觀塘既街坊睇﹐ 希望係呢個受到海嘯影響下既香港﹐ 可以用魔術帶歡樂同驚喜比更加多既人。 以下係部份表演既剪影:
2008.11.07 魔法奇兵第二彈今晚睇最後一場魔法奇兵﹐ 今晚同上一場既魔術師差唔多全部唔同。 但係我覺得之前個場個flow好D。 今次有好多唔流暢既位﹐ 所以無咩野特別。 但係其中最最最特別既係可以睇到香港老一輩既職業魔術師馬嘉仕先生既表演。 今次實在大飽眼福。相信現代香港既魔術師還會玩中國傳統魔術無幾多個﹐ 真係十隻手指數晒! 而馬嘉仕先生更加係當中既表表者。 雖然已經過左花甲之年﹐ 但係依然好有魄力。 佢同助手一身中國傳統既戲服顯出好中式既感覺﹐ 不論戲服﹐ 音樂﹐ 表演用既道具﹐ 甚至連佢放道具既箱都係好有傳統中國既特式同味道。 表演既﹐ 當然係中國既戲法啦! 消失的小鳥﹐ 白紙條變麵條﹐ 空碗變水﹐ 不斷有酒流出既酒瓶﹐ 白米變煲仔飯。。。 其中白米變煲仔飯最精彩﹐ 之前從其他人口中聽過﹐ 果然聞名不如見面﹐ 用自己雙眼睇既真係好唔同。 一個空煲放少少白米﹐ 蓋上蓋﹐ 之後打開就係一煲煲仔飯﹐ 實在係嘆為觀止﹐ 好開心。 不過可惜唔可以同呢位香港魔術界既傳奇人物影相﹐ 覺得有D可惜。 但係可以睇到呢D表演﹐ 點都值啦! Performance photos我都唔記得左我summer個時係一間中學做過小小表演﹐ 最近有一位好有心既女同學mail番D相比我。 所以post上黎分享一下。 比D意見我啦!
2008.11.1 循道中學五十週年校慶曾經有為教我魔術既導師講過﹐ 想學好魔術就必需要不間斷地表演﹐ 先可以保持表演既狀態。 雖然我並非一個職業表演魔術師﹐ 但係我既目標係練好我喜歡既魔術﹐ 所以我盡可能會把握每一個表演既機會。 今次有機會可以返我的母校作表演﹐ 實在感到好幸運。 其實我上一年既校慶已經有此打算﹐ 不過我覺得當時既我毫無實力可言﹐ 所以我今年想試試我的實力。 有幸可以係學校表演實在係太好啦。 不過時間十分倉拙﹐ 而且係同我既中學同學夾音樂﹐ 所以難道頗高。 幸運地表演尚算成功﹐ 無太大的錯誤。 唯一的錯誤是火把變玫瑰成了變玫瑰蠟燭﹐ hahaha!!! 雙手變棒不能同時變可惜了一點﹐ 但是最後都變得成。 相片遲些有機會再upload! 另外一個係我當晚最欣賞的。 因為正當大家係度討論明日環之時﹐ 他是唯一一個講魔術師既秘密係唔外傳﹐ 還叫大家去欣賞﹐ 不要拆穿魔術的秘密﹐ 因為魔術係一種表演。 我聽到呢番說話實在好感動﹐ 如果世界個個觀眾都係甘的話﹐ 魔術師就舒服多啦! 佢係我玩魔術以來最好既觀眾。 當晚大家都好開心﹐ 可以同大家有一個魔幻既晚上﹐ 可以令大家開心愉快﹐ 我有種講唔到既成功感 heehee!!!!
|
|
||
Envoyer un message privé
S'abonner au flux RSS
Conseiller à un ami
Ajouter à Mon MSN
Ajouter à votre réseau
Inscrivez-vous à des alertes
|
|
