Copied from my brother's MSN space

十一月五號

魔術講座
係三日既魔術節裡面仲有六個一連串既魔術講座。  講真﹐ 一次過上六個魔術講座真係有D吃不消。 忽然要消化甘多魔術既資料實在有D辛苦。  不過﹐六個魔術講座令我睇到外國魔術師同亞洲魔術師既分別。  外國魔術師既講座比較輕鬆﹐ 詼諧﹐ 所以睇得比較開心﹐有種睇show既感覺。 日本既魔術師 (可能係語言既問題吧) 比較嚴肅﹐ 所以真係有種上堂既感覺。  而其中我比較欣賞兩個魔術師既講座﹐分別係Simon Lovell and Ellis & Webster既講座。 

Simon Lovell魔術講座
其實唔係一D好難既野。  不過勝在佢用好多好笑既笑話修飾魔術﹐ 所以變得好有欣賞價值。  不過佢個講座最後既一個故事令我印象好深刻﹐所以想係度同大家分享。

<<第二次世界大戰時﹐ 係芬蘭既集中營裡面有一個小朋友﹐ 她小時因為目擊父母被迫害而受驚過度﹐ 所以大戰結束後也沒有講過一句說話。  好多醫生曾經想幫助呢位小朋友﹐ 可惜佢地都對佢呢個問題束手無策。有一天﹐ 有一個魔術師去到呢位小朋友住既地方﹐ 呢位魔術師去到小朋友面前﹐ 魔術師右手拿着一塊石頭﹐ 然後放在左手手裡﹐ 再輕輕一吹﹐ 魔術師打開左手﹐ 石頭消失了。  小朋友笑了一笑﹐ 對魔術師說了第一句說話 ~ “謝謝!”>>

之後Simon講左以下既說話:
“As a magician, we all know what trick the magician did to the kid.  However, magic is not only doing tricks.  It is about your heart, not the trick.  It is about how a magician affects people’s emotion.  The magician did not really disappeared the stone; magic disappear the pain from the tremor of the child.”

聽完呢段說話之後我好有共鳴﹐ 因為呢個故事好有意思﹐ 再者﹐ 故事背後既信息好meaningful。  我應為魔術係用來帶比人歡樂既一種媒介。  希望各位學魔術的朋友﹐ 共勉之。

Tim Ellis & Sue-Anne Webster魔術講座

係AMA裡面甘多世界各地既魔術師裡面﹐ 我最鍾意同欣賞既係黎至澳洲既魔術師組合~Tim Ellis and Sue-Anne Webster。  暑假時有機會係大埔見到佢地既表演已經好鍾意佢地﹐ 因為佢地既表演好有energy﹐ idea好新穎﹐ 所以往往帶比觀眾新既驚喜同視覺享受。  今次有幸再係AMA見到佢地既表演﹐ 實在令人興奮。 上佢地既講座好開心﹐ Tim係一個好Humerous既人﹐ 上佢既講座往往會笑死人。  但係最開心既係佢地好大方地教Tim係FISM既魔術比我地。  雖然係一D難度比較高既魔術﹐ 但係呢套魔術既原理令我覺得佢真係一個好利害﹐ 好專業既魔術師。  而最令我有共鳴既係佢最後講既一段說話:

<<We, as magicians, do not only do tricks; we also create memory.  A magician may not remember what tricks they did to the audience, but the audience will remember the fantasy and the memory they had.>>

同Simon既講座一樣﹐ 好有共鳴。  各位學習魔術既朋友﹐ 有共鳴嗎?

第四屆亞洲魔術大會
4th Asian Magician Association Convention (AMA)

十一月二至四日
香港沙田麗豪酒店

一連三日既第四屆亞洲魔術大會終於結束啦!  第一次參加香港以外既魔術大會﹐ 感覺就好似以前去童軍大露營甘。  有好多唔同地方既人係埋一齊活動。  今次魔術大會有內地既魔術師﹐日本既魔術師﹐ 韓國既魔術師﹐ 台灣既魔術師﹐ 菲律賓既魔術師﹐ 馬來西亞既魔術師﹐ 當然有好多香港既魔術師啦!  除此之外﹐ 大會更邀請同幾位世界級既魔術師做嘉賓﹐ 當中包括世界魔術聯盟既主席 (International President of FISM) ~ Eric Eswin。  實在令我大開眼界。  短短三日既魔術大會﹐ 但係節目就十分之豐富。  有近景魔術大賽啦﹐ 有舞台魔術大賽﹐ 有國際奇幻大師現身變法﹐ 有魔術bar大賽﹐ 仲有六個有世界級魔術師主持既講座﹐仲有唔同地方既魔術道具商售賣魔術道具。  所以我會用以下既內容略記大會情況。

近景魔術大賽 (close up magic contest)
由香港﹐ 新加坡﹐ 日本﹐ 韓國﹐ 澳門﹐ 台灣﹐ 菲律賓在內的十五名魔術師參與角逐。  當中有好多出色新奇既表演。  當中比較有深刻印象既有例如用棒球做主題既三杯魔術﹐ 用MP3 player變出同變走副樸克牌﹐ 用kinder出奇蛋做魔術﹐ 配合音樂既Chinese Rice Bowl魔術。。。等等。  睇完十五場精彩魔術之後令我覺得音樂同魔術既配合真係好重要。  就算言語上溝通有困難﹐ 做一個有好音樂配合既silent act一樣精彩。  而且各地既魔術師既水準都好高﹐ 而且好有心思﹐ 所以視覺上既感覺有好多驚喜﹐表演都好精彩。  當然我從中學習不少﹐同有唔少魔術既靈感。  ^^  希望可以係將來既表演有所期望。

國際奇幻大師現身變法
西灣河文娛中心
十一月二日晚上七時
集合美國﹐ 中國﹐ 日本﹐ 以色列﹐ 香港同新加坡既魔術師一齊做既大形魔術show。  由Harry哥哥做司儀﹐真係好好笑。  我覺得我自己好幸運﹐因為可以睇到幾位世界殿堂級魔術師既精彩演出。  其中﹐最令我印象深刻既有美國既戴爾沙惑 (Dale Salwak) 既魔術界的紳士。  裡面既絲巾同牌既魔術實在係太好睇啦。 另外﹐以色列既魔術師~艾姆士(Amos Levkovitch) 既白鴿魔術﹐今時今日好難得有D甘好睇既白鴿魔術﹐ 香港變白鴿既魔術師唔少﹐ 但係有經驗就唔係好多。  好好彩有機會欣賞D甘好睇既魔術。  另外美國既魔術師高丹尼(Danny Cole) 既魔術都幾好﹐尤其是瞬間轉色既衣服﹐凌空凳等。  仲有比較有意思既魔術有中國既魔術師~廖小潤有關花木蘭既魔術表演。  佢既表演係甘多個魔術表演裡面最有特色同故事背景。  而且佢係當晚唯一一個女魔術師﹐ 所以比較特出。  可惜﹐ 太多表演﹐ 太少位寫作﹐好難可以將所有見到既野寫低。