由東方魔術主辦既魔術講座 --> Nash Fung Magic Lecture

今晚去左呢個lecture。  之前唔知Nash Fung係一個咩野既人﹐ 只係知道佢係美國黎。  而且今次知道Richard Mo會表演下魔術﹐ 所以同呀Dan, SL17同呀濤一齊去左捧場。  我係第一批到場既觀眾﹐ 見到Nash, 老實講有D懷疑﹐ 因為佢個樣太細個啦!  真係唔知係真唔係。  有D比人欺騙了既感覺﹐ 而且見到佢係度崩崩跳跳甘準備﹐ 實在唔敢諗呢個係咩野講座。  但係Nash既魔術的確唔錯﹐ 效果快﹐ 流利﹐ 而且個魔術Effect都好強。  只係佢講得太快﹐ 有D跟唔切﹐ 如果佢教每一樣野可以停一停﹐ 比我地諗一諗﹐ 我相信會入腦一D。  因為有時間digestD野。  不過我幾鍾意佢既魔術﹐ 如果佢用英文玩的話可能效果會更好。 另外Richard既表演都唔錯﹐ 好攪笑。  Overall, NOT BAD AT ALL!!!!

首先先恭喜同我一齊學魔術既好朋友 -- 呀濤 終於夢想成真﹐ 擁有自己既魔術生意。  我會耐唔耐幫襯妳架啦!!!  恭喜晒!!!

由九月開始至依家我睇過幾間大學既魔術會AP。  有港大﹐ 嶺南﹐ Poly, 仲有浸大。 

第一個睇既係港大﹐ 因為自己都係該校魔術會既會員﹐ 所以當然想睇啦!  港大今年係政府文娛中心裡面攪﹐ 主題係華麗邂逅﹐ 而且有唔少前輩同職業魔術師支持﹐ 當晚既MC都做得好出色﹐ 好有心思。  不過就少D魔術會既成員表演﹐ 所以有種幾商業既味道。  真係好似出去睇左場魔術show﹐ 比較專業兼附娛樂性﹐ 有呀凱﹐ 呀Man, 呀三....etc。  感覺上係一個相當唔錯既AP。  好開心有幸可以去睇。

第二個睇既係Poly, 因為有位好朋友表演 -- 呀蝦﹐ 所以特別去捧場。  今年Poly既主題係英雄會。  每個座位都有一張英雄貼。  魔術會既會員都好有心思﹐ 特別炮製左幾條短片﹐ 好似電視預告甘﹐ 好攪笑。  事實上﹐ Poly既魔術會員都好團結﹐ 好有heart!  但係成晚既魔術都係以啤牌為主﹐ 個個魔術師都有玩﹐ 所以感覺差小小。  當中﹐ 貓王同Queenie Poon 既表演唔錯﹐ 比之前既表演都有唔少進步。  呀蝦既表演都唔錯﹐ 除左最後支炮, hehehe!  不過我睇得出佢地真係好努力。  好開心可以支持呢個AP。

第三個係嶺南﹐ 點解會去係因為有朋友去﹐ 所以跟埋去。  加上有平飛同埋有唔少前輩表演﹐ 所以就去左睇。  只可以講有D失望﹐ 除左睇完場show之後有罐Red Bull送我一對翼之外﹐ 就無咩野好睇。

最後個個係浸大﹐ 亦係我覺得係比較突出既一個AP。  買飛睇主要既原因係有朋友表演 -- 呀邦。  一月個時佢已經問我會唔會去睇。  今年浸大既AP係我覺得最有團結精神既一個AP。  可能有好多魔術會既會員表演既關係吧?!  令我覺得佢地好努力﹐ 而且佢地既表演好有心思﹐ 將魔術加埋drama一齊做﹐ 好有新鮮甘。  比較有印象既有職業級魔術師包括, Michael Lam既 talk show, 呀三既comedy, Kenneth Chan 既表演。  而魔術會既會員有表演得好可愛既Annie, 同呀邦既撮弄...  實在利害。

在此對所有為魔術表演努力既大學朋友致敬!

新term開始左差不多一個月。  勁忙﹐勁多野做。  Reading, reading and reading!  加埋要做dissertation, 日日要去醫院collect data!  仲要上堂﹐溫書﹐case studies, essay, presentation, 準備考試…  Sigh!!

最近有好多事令我動搖…  我有時諗…  究竟med係唔係岩我呢?  但係如果我唔揀med﹐我又可以揀D咩野呢??  唔諗住啦!!  今個星期要讀10+ journals!!!  T_____T

前一兩天在都市日報見到呢篇有趣既文章﹐ 信不信由你。  不過我就覺得幾有趣﹐ 所以post上網比大家睇下。

1)      多吃辣椒可以令新陳代謝加快20%﹐ 名模 Gisele也靠吃辣椒減肥。

2)      早餐若進食較多高纖食物﹐ 如麥片和乳酪﹐ 可以加快基本新陳代謝率。

3)      月經來潮前兩周曾加運動量﹐ 較平時運動燃燒更多脂肪。

4)      戒酒。 酒精所含卡路里極高﹐ 喝酒時也容易吃零食。

5)      你可能覺得整天跳過不停或常搖腳的人很煩擾﹐ 但這些人每日比你消耗多350卡路里。

6)      每天喝至少5杯綠茶﹐ 內含兒茶酚有助加快新陳代謝。 名模Sophie Dahl因此由穿16碼減至12碼。

7)      午餐或晚餐前吃沙律或清淡的湯﹐ 令你有飽肚感。

8)      餓時多喝水﹐ 減低肚餓感﹐ 20分鐘後還餓的話才進食。

9)      吃多點含健康脂肪的食物如果仁﹐ 可抑壓食慾荷爾蒙﹐ 最好在正餐半小時吃下這些零食﹐ 食量便會減少。

10)  看電視時放棄用搖控器轉台﹐ 親身轉台可燃燒10卡路里。

11)  徹底咬爛食物﹐ 每餐可少吸收70卡路里。

12)  加快運動速度﹐ 可更有效消耗加路里。

13)  加多點疏菜在每項菜式中﹐ 使你感到更飽。

14)  研究指減肥人士多沒將汽水裡的加路里計算﹐ 若你無發戒掉汽水癮﹐ 請以健怡汽水取代。

15)  隨身攜帶步行計﹐ 可鼓勵你行更多路。

同Grace約左兩次先睇到既片。  睇呢套片之前已經收到消息話呢套片唔可以用已往睇周星馳笑片既方法去睇。  因為今次呢套片有別於以往既笑片﹐所以我都有心理準備先行入戲院。  不過我覺得周星馳既笑片style都keep到。  有些笑位依然係佢既style﹐亦都好似已往D片甘有D非現實。  不過只係笑位少左﹐感情還節多左。  唔再係一些只係為左笑先去睇既笑片﹐係一套有親情味既電影。  不論係周星馳同徐嬌之間﹐定係徐嬌同長江七號之間﹐都有D感人位。  不過我覺得個半鐘既片太短了。  呢套片後半可以加以描寫﹐再長少少會更好。  尤其是肥仔聰同周星馳之間既事﹐同周星馳出事之後既事﹐如果可以加多少少﹐應該會更感人。  不過有一樣成功既係周星馳可以係一些感人位加一個笑位。  令到觀眾唔會睇得好唔開心。  Overall, CJ7係一套成功既電影﹐只係睇佢既票房就知!

今年新年好得意甘同Queenie年初二一齊去睇迪士尼既新片 -->魔法奇緣。  一套好攪笑﹐適合一家大細﹐男女老少既一套童話crossover現實既喜劇。  套戲既買點當然係童話世界crossover現實世界。  好似用一些好笑既橋段去諷刺童話世界同現實世界既分別。  現實世界係充滿危機但係童話世界就安全得多。  不過好笑在個idea將兩個世界crossover.  公主王子係現今社會街上唱歌﹐王子以為巴士係怪物。。。  不過個結尾惡毒王后既收場差少少﹐而且個女配角唔夠靚。  不過甘樣都可以解釋點解最後男主角同女主角會係一齊。。。  hahahaha!!!  但係點都好﹐呢套魔法奇緣係一套如果只係想笑就會選擇睇既笑片。

Haha!!  新年個時要Queenie send比我既message!

你小心D啊~~ 有一班人四圍打聽緊你呀~~ 仲話捉住你就唔會甘易放過你呀! 佢地一個叫財神﹐ 一個叫順利﹐ 帶頭果個叫幸福!  我問過煩惱啦!  佢根本唔愛你﹐ 仲話永遠唔理你﹐ 仲叫我轉告比你聽唔好再自作多情!  仲有健康叫我帶封情信比你﹐ 佢暗戀左你好耐啦!  仲話一生不變添!  祝你每一日都快樂!  我睇你都係醒架啦!  鬼叫你好人緣咩!!  哈! 哈!

上個月頭有幸家姐請我一齊去睇話劇。  開頭我問佢個劇個名既時候的確係覺得既悶。  “我愛阿愛” 係咩野黎架!?  所以期望唔係好大。  去到香港大會堂既劇場﹐ 坐低睇完約兩個鐘既話劇﹐ 睇完本場刊﹐ 令我對呢個話劇有另一個完全唔同既睇法﹐ 而且令我有想寫落黎既衝動。

故事大綱如下 (源至話劇場刊):

這天﹐ 年屆七十身患絕症的老人這樣宣佈: “我吳堅﹐ 會與女傭呀愛結婚!  她已有我的骨育。” 妳是吳堅的仔女﹐ 怎算?

提問一: “堅定流架?” 疑問二: ” 你真的愛呀愛?”  讚嘆三: “老豆﹐你好堅!” 結論四: “呀愛只是愛你的錢。”  推論五: “她的骨育不是你的。”終極關懷六: “情值何價?  愛是何物?”

大兒子立泰會否像老父敢愛敢恨?  二女立純與丈夫大勇可否長相廝守?  細子立得能否跨越失戀的傷痕?  肯定的是﹐呀愛表示不會要求吳家一毛錢﹐待吳堅死後﹐更會帶著嬰兒離開吳家。  呀愛與吳堅那動人的忘年戀竟也是個耐人尋味的“謎”。。。

感想:

雖然呢個故事在現實社會裡面發生既機會唔多﹐可能微乎其微﹐亦可能只會好似電視橋段甘發生係D有錢人家庭裡面。  但係呢個唔係最大既問題。  最大既問題係你/妳會點睇?  會唔會好似上述既反應甘?  我相信極大部份既人第一個反應會係頭五個其中一個。  事實上會有呢D反應其實好正常。  因為尤其是中國人悠長歷史傳落黎既道得觀念同現實既社會既價值觀比我地好自然有甘既反應。  但係呢套話劇比人用令一個角度黎去睇甚麼叫做 “愛” 。  係唔係你一無所有但係人地依然愛你先叫做”愛”?  愛係唔係只有年輕人先可以擁有既專利?  故事裡面既吳堅雖然結過婚﹐而且有兒有女更連孫都有埋﹐但係他的太太過身已有幾十年﹐而且吳堅不是忘本﹐他由始至終都無忘記他的太太。  就算係結婚大事都會同一家人講清講楚﹐但係難道佢始終有錯嗎?  對與錯又係唔係我地定呢?  究竟愛是何物?  我見到既就係吳堅同呀愛只想用最後既時光過一些快樂的生活。  呀愛曾經同立泰同立純講憎恨自己唔緊要﹐但請係吳堅面前表現接受﹐令他開心的繼續走他人生最後既路。  世上有好多事都係陰差陽錯的。  如果吳堅無絕症﹐相信他不會認識呀愛。  那麼呢個故事就唔會發生。  但係如果發生左﹐又應該用咩野既態度去面對呢?  係唔係應該覺得人生苦短﹐應該及時行樂。  開心既係甘過﹐唔開心既又係甘過﹐點解要揀唔開心過呢?  只要活得開心﹐就算短暫亦都係一件好事。  又或者係唔係應該以傳統既道得為先呢?  另外﹐作為兒女既角色又應該怎樣呢?  應該支持? 還是反對呢?  但係就算反對﹐又可以點呢?  一套可以令人返思既話劇 -->我愛呀愛