From SL17.......

1. 香港國際魔術節2008曁宏亮國際魔術大會十週年紀念

日期 : 2008年8月29 – 31日 (星期五、六、日)

地點：香港會議展覽中心

重點推介:

a)     套票(VIP飛)優惠：
由於今年會同時攪國際魔術大會，所以已報名買套票(VIP飛)的朋友, 可以無限次出入會場 & 參與4個魔術講座(講者為國際級魔術大師~ 好似有Peter Marvey，Silly Billy 等)外，仲可以欣賞國際表演、國際舞台魔術大賽、國際近景魔術大賽等等…… 另外，仲會有D外國的DEALER.
REMARKS: 有興趣只參與部份活動的, 可以參考附件.

b)    魔術節舞台表演者為Peter Marvey (http://www.marvey.eu/)

c)     明日之星魔術比賽：
有別於往年，今年明日之星魔術比賽的冠軍得獎者能夠參加國際級魔術大賽,跟不同國籍的參賽者進行國際性的比賽，成為國際級魔術師
有興趣參加比賽的，可以參閱附件資料及表格.

d)     全港學界魔術學會大賽2008：
今年大會亦有意舉辦學界魔術學會大賽，有興趣的大專及中學的魔術學會可以參閱附件資料及表格.

e)     香港兒童及青少年魔法大師大賽2008
可以呼籲下d有興趣的朋友仔參加架~ 詳情可以參閱附件宣傳單張

f)     第4屆MAGIC GIRL 選舉  ***係動漫節可以即場報名及面試架!!!
點少得MAGIC GIRL選舉架, 各位絶對可以呼籲下身邊的靚女參加架!!!
詳情可以參閱附件宣傳單張
** remarks: 為方便安排, 請各參賽者在 八月十日 之前完成報名程序

2.        第九屆週年表演 之 《星光幻影》

日期 : 2008年9月28日 (星期日)

地點：九龍紅磡理工大學賽馬會綜藝廳

時間：晩上7時半

主題：《星光幻影》

表演者：歐宏亮、陳偉建、文奕凱、李行齊、陳昭榮、游家立、唐紀聰、湯靈磐(加特別拍擋)

司儀：湯靈磐、松鼠&我 =P

原價：成人- HKD 120 /12歲或以下之小童及65歲或以上之長者- HK$80
*** 8月內購票，會員可享有優惠價HKD 60/張

購票方法：收到哩個E-MAIL 的朋友, 可以CALL松鼠留位
(唔係會員的, 可以問下佢有無會員優惠架~)

重點推介:

a)     表演者個個都係專業+重量級架!!! 勁!!!
全部都係全職或兼職的專業級魔術師，有好多位都攞過大賽級的大獎架!!! 當然唔少得大師級的EDDY 出場啦!!! 今年湯SIR 仲有位特別拍擋添!!! 一定好精彩!!!!

b)    今年都特別多大型幻象魔術!!!! 正!!!
唔知發唔發覺2007年唔見本會有週年表演呢?! 點解就唔使再問啦,但可以想像到的, 就係個個都儲左好多野, 好想一次過SHOW OFF 囉~

c)     司儀新配搭，擦出新火花!!! 爆!!!
賣花就點都要讚下花香的，今年除左口才了得的湯SIR, 當然唔少得松鼠同我哩D後浪啦~ =P

d)     會員優惠! 抵!!!
齋睇以上3點，都知120蚊好抵. 但會員呢!? 哇~ 係半價喎! 邊度有AP, 會俾會員半價咁多架~ 所以仲唔快手D CALL 松鼠留位, 優惠過左8月就無啦!

今個星期六同日都去左赤柱藝墟度做魔術義工。  呢兩日既感想只可以用兩個字來形容 --> 好熱!

要係一個三十幾度既環境下玩魔術﹐ 實在係好辛苦。  成頭大汗﹐ 滿手手汗﹐ 所以實在真係有種貼錢買難受既感覺。  不過實在真係太熱﹐ 所以真係無心機玩太多既魔術。  在此真係好佩服一位魔術前輩--> 祥叔。  祥叔係一位好利害既魔術道具設計師。  佢既手工好靚﹐ 可以話係香港數一數二既手工。  佢做出黎既道具effect大之餘仲勁靚。  而且佢有時間都會研究好多新既魔術道具。  祥叔雖然七十多歲﹐ 但係佢呢兩日係甘熱既環境下都係度玩足全場﹐ 仲場場街show都有玩佢既拿手好戲, 好似佢既水樽魔術﹐ 八仙過海...  等等。  實在利害!!!

第二日同呀欣同呀Dan一齊做一個十五分鐘既慈善show。  今次係我第二次同佢地一齊夾做show。  (第一次係青衣既show。)  今次同第一次一樣﹐ 我做魔術MC, 呀Dan玩先, 呀欣玩第二。  總括黎講﹐ 今次做show要留意既係表演之前既彩排真係好重要﹐ 不過今次我地大家實在太忙﹐ 所以不能抽空彩排。  如果有的話﹐ 相信會更好睇。 我既表現覺得麻麻地﹐ 起碼無聽到D人話好...  唉~~~~! 不過其實觀眾D反應都唔錯。  今次最令我難忘既係呢次係我表演生涯裡面最熱既一次。  係三十既度既高溫下﹐ 要著住件長袖既表演戲服﹐ 仲有帽﹐ 紅鼻哥﹐ 大眼鏡﹐ 仲要係全身黑色包住全身既衫﹐ D人見到我都話見到我都覺得熱。  不但如此﹐ 表演前半小時仲落雨﹐ 雖然我地準備既地方係後台既帳幕﹐ 但係一落雨竟然溜水﹐ 攪到我地十分狼狽。  好彩有野蓋住﹐ 如果唔係就攪到所有野都濕晒。  個魔術表演可能會變成 "夏水禮"魔術表演 > <

點都好﹐ 個表演過程都好難忘。  做完之後我當然變左個水人。  可憐既呀欣表演完後有點不適。  好彩唔係中暑。  不過呢兩日既魔術義工我最大既得著係我扭波叻左好多。  因為我呢兩日扭左幾十隻狗仔﹐ 仲有劍﹐ 機關槍﹐ 鸚鵡.....  實在好好玩。  仲有好多小朋友叫我扭比佢地..  Heehee!!  仲有祥叔送左條"繩"比我﹐ 魔術師有時真係好奇怪﹐ 收到條繩會勁開心..  Hahaha!!!