感謝主, 我畢業啦!

Thank you for all who supported me throughout the program.  Thank you truly.

今次有幸可以係觀塘參加家常便飯無火烹飪嘉年華﹐ 又可以表演魔術﹐ 在此十分感激基督教家庭服務中心既社工同埋呀濤。  今次雖然唔係第一次做街show, 但係係我第一次做露天既show, 不過好彩﹐ 當日天氣好好﹐ 唔係好大風。  無驚無險甘完成左今次既魔術表演。 

今次活動既主題係有關觀塘重建既活動﹐ 所以主題著重於 ~ 重建﹐ 家人溝通最重要﹔ 溝通﹐ 家常便飯不可少。  今次表演最有挑戰既係做既魔術要配合活動既主題。  所以係選擇魔術既時候花了不少心機。  今次既表演令我覺得表演魔術可能唔係一件難事﹐ 但係要表演一段有意思而又令觀眾印象深刻既魔術真係好難。  今次表演令我深刻感受到魔術表演﹐ 技巧當然重要﹐ 但係講稿既內容對魔術本身個效果影響好大。  講稿既內容要配合個魔術同主題﹐ 要做到life learning真係唔容易。  好彩同呀濤諗左甘內﹐ 算係有D成果啦!

今次好多謝17同呀濤幫我執左好多技巧上既事情﹐ 令我既魔術有所成長, 使我既魔術更加成熟 (雖然仲有好多進步既空間)。  第一次同呀濤合作﹐ 大家合作愉快吧!!  希望將來可以再係觀塘表演魔術比觀塘既街坊睇﹐ 希望係呢個受到海嘯影響下既香港﹐ 可以用魔術帶歡樂同驚喜比更加多既人。

以下係部份表演既剪影:

睇落去好似好好甘﹐ 但係之前D動作好難睇架!!  要諗諗點改好!


變大花球

可能睇唔到﹐ 但係我有條黑色頸巾呀!  大家睇唔到。。  唔緊要。。。

等我變條彩色頸巾比大家睇啦!

我幾鍾意捕捉呢一刻!

大會主題: 重建﹐ 家人溝通最重要﹔ 溝通﹐ 家常便飯不可少

我﹐ 當日活動既MC ~ 蓋世寶小姐 (LuLu 姐姐)﹐ 呀濤

呀濤﹐ 我﹐ 同今次活動既聯絡人Albert (多謝你!)


我同呀濤

當日活動既小丑哥哥

我都唔記得左我summer個時係一間中學做過小小表演﹐ 最近有一位好有心既女同學mail番D相比我。  所以post上黎分享一下。  比D意見我啦!

曾經有為教我魔術既導師講過﹐ 想學好魔術就必需要不間斷地表演﹐ 先可以保持表演既狀態。  雖然我並非一個職業表演魔術師﹐ 但係我既目標係練好我喜歡既魔術﹐ 所以我盡可能會把握每一個表演既機會。  今次有機會可以返我的母校作表演﹐ 實在感到好幸運。  其實我上一年既校慶已經有此打算﹐ 不過我覺得當時既我毫無實力可言﹐ 所以我今年想試試我的實力。  有幸可以係學校表演實在係太好啦。  不過時間十分倉拙﹐ 而且係同我既中學同學夾音樂﹐ 所以難道頗高。 

幸運地表演尚算成功﹐ 無太大的錯誤。  唯一的錯誤是火把變玫瑰成了變玫瑰蠟燭﹐ hahaha!!!  雙手變棒不能同時變可惜了一點﹐ 但是最後都變得成。  相片遲些有機會再upload!

表演完stage 魔術﹐ 落台玩close up, 大家都好開心。  最開心的是之後我同一班同我同屆的同學朋友一齊去飲野。  可以同呢班朋友短時間內變得熟絡﹐ 呢個本身就係魔術﹐ 所以話魔術真係奇妙!  其中我有兩位朋友比較欣賞。  一個雖然告訴其他人明日環係點玩﹐ 但係不知魔術界條者不罪﹐因為明日環已經玩到街知巷聞, 真係多謝香港既娛樂圈同各大魔術商。。。  唉~~~!    我欣賞的係佢對唔明白既事而去追求答案既堅持﹐ 佢第二日都係度諗D魔術點做..  hahaha!!!

另外一個係我當晚最欣賞的。  因為正當大家係度討論明日環之時﹐ 他是唯一一個講魔術師既秘密係唔外傳﹐ 還叫大家去欣賞﹐ 不要拆穿魔術的秘密﹐ 因為魔術係一種表演。  我聽到呢番說話實在好感動﹐ 如果世界個個觀眾都係甘的話﹐ 魔術師就舒服多啦!  佢係我玩魔術以來最好既觀眾。  當晚大家都好開心﹐ 可以同大家有一個魔幻既晚上﹐ 可以令大家開心愉快﹐ 我有種講唔到既成功感 heehee!!!!

最近學習用福音魔術。  雖然時間好短﹐ 只有四堂﹐ 但係相當充實。  內容豐富﹐ 對做一個魔術師黎講實在係獲益良多。  以下係上堂表演時的剪影。

魔術師四哥


我的福音魔術導師 => 楊有志牧師

http://www.lcsd.gov.hk/CE/CulturalService/Programme/b5/multi_arts/oct08/magic.html

今次經朋友介紹去左荔枝角泓景臺既會所做生日會魔術秀。  今次係第一次著埋衫接秀﹐ 所以有D擔心唔知會唔會反應唔好。  今次觀眾差唔多全部係女孩子﹐ 因為壽星女攪生日會。  今次表演既成份似小丑多一點﹐ 所以我不段同自己講我要白DD, 低BD。 皆因本人平時都係白白DD同低低BB﹐ 所以今次表演既反應唔錯﹐ 只係我還是需要多一些經驗﹐ 但係第一次見到小朋友反應好好, 係一件好事﹐ 更好的是有小朋友完show之後走過黎攬住我隻腳。  我相信佢地好開心﹐ 不過下次我要再落力D serve我老細(即係生日個個)﹐ 因為佢之後唔多睬我 (可能怕醜啦!) T_____T 

P.S.:  當日仲有位可愛既公主係度同D小朋友畫面呢

終於都黎啦!  上年無機會去﹐ 今年終於都黎到深圳歡樂谷參加第9屆國際魔術節。  今次既感覺我可以用"朝聖"呢兩個字黎形容。  因為實在太多表演﹐ 但係太少時間。  再者﹐ 黎自世界各地既魔術師係樂園各大小舞台獻技。  由樂園東邊睇完一場表演﹐ 就要用最短既時間﹐ 最短既路程﹐ 同最快既步速去到樂園既另一邊睇另外一場表演。  實在有點吃力。  不過今次可以一次過睇到差不多二十個世界各地既魔術師既一流表演﹐ 真係大飽眼福﹐ 仲學左唔小野。

今次睇過 (順次序) :
台灣魔術師 趙正明的金焰魔風﹐
韓國魔術師 申重官的昇惑魔光﹐
中國歡樂滑稽秀﹐
香港魔術師 陳列泳 Remus的奇妙魔秀,
菲律賓魔術師 Cris的奇幻魔法秀﹐
俄羅斯魔術師 Konst Vladimir的舞動魔曲﹐
新加波魔術師 Bose Francis的魔術火焰。

(本來想睇埋香港魔術師 甄澤權的探秘魔跡﹐ 但係真係就唔到時間。  Sorry 呀權!)

另外有兩場大型表演﹐ 當中有中國的茹仙古麗﹐ 加拿大魔術師 Richard Forget, 日本女魔術師 Koyoko, 美國魔術師 Danny Cole, Bred Daniel﹐ Christerferheart, 仲有韓國同德國既魔術師...etc.

實在太多﹐ 不能盡錄。  不過﹐ 當中比較印象深刻的有日本的Koyoko的髮型師表演。  之前係台灣魔法節目大魔競見過她的表演﹐ 但係現場睇就更加精彩。  一個髮型師係髮型屋開工前﹐ 將梳﹐ 時鐘﹐ 吹風機一一變出來。  之後更加將自己變成雇客。  表演元素之多﹐ 意念新鮮﹐ 有故事情節﹐ 所以實在係一流表演。  另外﹐ Richard Forget既表演都好精彩。  之前只係係劉謙先生的書裡面睇過﹐ 一路都無機會欣嘗。  今次終於有機會見見﹐ 都好好睇。  Richard Forget係我見過最高大的魔術師﹐ 所以佢既表演做型都有一定既魅力。  係電話亭旁邊變出好多唔同既魔術效果﹐好專業既演出。  Danny Cole既表演﹐ 上年係AMA就已經睇過﹐ 不過佢既quick change依然係好出色。  而Christerfer Heart 既魔術手都唔錯﹐ 令到我有好多啟發。

不過﹐ 今次都見過一D奇怪既表演。  好似見到好似Sales既魔術師。  由開始到完結都不停都好似做緊道具promote甘。  不停講自己會變D咩野﹐ 將所有野炒埋一碟﹐ 無關係既都擺埋一齊。  另外﹐ 個助手更妙。  個look好似同樓下買菜的審審差唔多﹐ 無袖衫﹐ 長褲加拖鞋﹐ 實在夠平民feel。  但係最厲害既係做魔術師既助手﹐ 但係驚點火﹐ 實在就D無奈。  除此之外﹐ 我今次都見識過我見過最霉既魔術師。  不但樣子好似飲醉了似的﹐ 他的道具除了殘舊﹐ 仲有D霉﹐ 所以令我 "大開眼界"。

但係點都好﹐ 今次既行程令我學左唔小野。  所以話讀萬卷書不如行萬里路﹐ 絕對有point的!!

等左成年幾﹐ 終於等到啦!

由Eddy's Magic Club舉辦既週年晚會﹐ 終於都係九月尾係Poly U順利完成。  今年有幸負責大會既雜務﹐ 忙係忙﹐ 但係都係開心既。  今年有八位香港職業級既魔術師上台獻技。  包括呀游既雨傘魔術﹐ 呀凱既CD魔術﹐ 湯SIR同佢個女一齊表演既魔術﹐ Kenneth既Zombie, 萬聖節魔術師超榮既恐怖魔術﹐ 會長Eddy既近距離魔術﹐ 呀聰既魔術今年好多人都話進步不少﹐ 同小齊既白鴿﹐ 鸚鵡同新既日本式大形幻術。  實在太精彩啦!  實在係超值!!!

另外松鼠﹐ SL17同湯SIR既MC配搭都好出色。  三位都係MC能力強既人﹐ 自然會擦出火花啦!  睇完之後都好有衝動去學好D魔術。  唔知幾多年之後會有機會加入一齊玩呢?!  ^^

後台化妝間﹐ 一流!!


我同呀聰

King and King

後台總管之一﹐ 亦係職業級既魔術師 ~ 鋒哥

呀蝦﹐ 我﹐ Marthes﹐ 同靚女MC ~ SL17


再一張.....  呀蝦﹐ 我﹐ 同SL17

今晚有幸去903參加由星加坡IMS主席Bob Chau 舉辦既魔術講座。  學魔術甘耐第一次見到D甘堅既魔術師。  我之前只會係漫畫書裡面見到魔術師只要cut副牌一次就知裡面有幾多隻牌。  但係未試過可以親眼見到。  今次見到真係大開眼界。  Bob只要cut牌一次﹐就可以說出副牌兩邊有幾多隻。  實在有D恐怖!!  不過佢既魔術知識實在豐富﹐ 係一本識行既魔術字典。  有機會向佢學魔術實在大好啦!

星期五同祥叔一齊去左龍騰青年會既活動裡面做魔術義工。  今次既活動係同一班老人家興祝中秋節。  短短十五分鐘既魔術表演﹐ 祥叔當然做得好出色啦。  完全唔會覺得佢係一個七十多歲既老人家﹐ 佢既魔術比我還好﹐ 同佢一齊玩魔術可以學唔少野。  而我既表演都唔差﹐ 算係不過不失啦!  祝大家中秋節快樂。

香港魔術節到第三日﹐ 其實好多精彩節目都完滿結束。  第三日有少年組既魔術比賽。  因為係小朋友既魔術比賽﹐ 所以氣氛都比較輕鬆D。  一年三日既魔術節除左數不盡既表演同比賽﹐ 仲有三場魔術講座加埋Peter Marvey既魔術座談會。  三個講座係由韓國既Mr. Chung, 美國紐約既Silly Billy, 同埋澳門既翁達志先生主講。  Mr. Chung 同 翁達志既講座主要係講既個手法既魔術﹐ 討論同經驗。  而Silly Billy 既講座就講小朋友魔術既理論同技巧。  而Peter Marvey講既係佢自己既舞台經驗。  之前聽既講座多數係專講手法既魔術﹐ 好少有機會可以聽到世界級既魔術師講玩魔術既經驗。  所以得益不小。

魔術節到最後係到頒獎既時候。  呀Bond獲得第一屆學界魔術比賽既冠軍﹐ 呀權同小齊就分別獲得明日之星既亞軍同冠軍﹐ 另外﹐ 小齊更加獲得國際賽既季軍﹐ 而亞軍同冠軍就分別由韓國既魔術師同北京既魔術師獲得。  恭喜晒!!!!  而香港魔術節2008亦都圓滿結束啦!

魔術講座現場

Me and 澳門魔術大師-翁達志先生

Me and 明日之星比賽亞軍 - 呀權

明日之星比賽冠軍﹐ 國際魔術大賽季軍 - 小齊 (一個字講晒 --> 型!)

 
Me and 學界魔術大賽冠軍 --> 呀邦

香港魔術節除左有各式各樣既表演之外﹐ 仲有幾個唔同既魔術大賽。  其中今年有幸可以參與籌備第一屆全港學界魔術大賽。  雖然籌備時間好短﹐ 但係總算完成。  恭喜我的好友獲得學界魔術大賽既冠軍﹐ 恭喜晒!!!!

除左學界魔術大賽﹐ 仲有香港明日之星魔術大賽。  雖然參賽人數不多﹐ 但係都係香港魔術界裡面高質數既比賽。  恭喜小齊同呀權成功勝出。  不過有甘岩得甘橋﹐勝出既魔術師都同白鴿魔術有關。  不過真係好出色既表演﹐ 恭喜晒!!! 

第二晚大會既活動係Gala Show, 同埋國際魔術大賽。  今次大賽有黎之韓國﹐ 澳門﹐ 北京既魔術師﹐ 加上明日之星魔術大賽頭三名勝出既魔術師做魔術比拼。  兩位澳門既魔術師既表演以故事為主﹐ 而兩位韓國魔術師厲害在於玩啤牌既出神入化。  北京既魔術師係當晚唯一一位女性既魔術師。  佢既表演係由啤牌為主﹐ 有好好既音樂同好靚既戲服襯托﹐ 手法都好華麗﹐ 所以好受全場既少男歡心!!  whahahaha!!!  (but I am not one of them!!!!!)  而當晚既表演嘉賓係瑞典既Peter Marvey。  佢表演既魔術係佢囉大獎既魔術。  手法好之餘﹐ 仲好有娛樂性。  所以世界冠軍真係世界冠軍﹐ 就係唔同!!

Gala Show 之後﹐ 大會邀請嘉賓同VIP上船遊香港維多利亞港一週。  第一次係香港上船玩﹐ 又可以同D國際魔術師有近距離既交流﹐ 又可以欣賞維港既夜景﹐ 又有野食﹐ 仲有一大班魔術師好友一齊玩﹐ 實在係一個超難得既機會!!!!

Me and Silly Billy

Me and Sissy

Me and Jaramy

當晚我地成班魔術師一齊玩既遊艇

係船上有幸與中國的茹仙古麗小姐合照

第二晚大會既活動 = 遊船河 + 大食會 + 維港夜景 + 一班魔術好友

終於都有時間可以好好甘去介紹香港魔術節啦

今年係我第四年參加香港魔術節。  不過頭兩年就只係入去行左個轉﹐ 無睇其他野 (真係蝕啦!)  不過由上年開始就買packet去睇﹐ 就覺得好唔同啦!!  除左有無數既表演睇之外﹐ 仲有幾個魔術講座﹐ Gala show, 魔幻晚會...etc.  所以今年都幾期待。  雖然今年 (老實講) 係比上年有點遜色﹐ 但係內容依然勁!!

今年黎香港表演既魔術師包括瑞士既魔術師 - Peter Marvey, 美國紐約既魔術師 - David Kaye, 同埋墨西哥既魔術師 - Jaramy and Sissy。  另外﹐ 仲有國際魔術大賽﹐ 今年有參與既國家包括中國﹐ 香港﹐ 澳門﹐ 及韓國既年輕魔術師。  所以內容都幾豐富。

第一晚既魔術節活動係魔幻之夜﹐ 係蘭桂坊既五十年代餐廳﹐ 果度有live band, 自助餐﹐ 大會包場﹐ 仲有舞跳﹐ 最難得既係可以同成班魔術師一齊玩﹐ 當然﹐ 大會既魔術師都有出席﹐ 可以見到佢地舞台以外既生活。

魔術節入口正門


我同爛gag王呀Dan

墨西哥既魔術師 - Jaramy and Sissy

瑞士既魔術師 - Peter Marvey同佢既靚女助手

美國紐約既魔術師 - David Kaye (Sillybilly)

我地魔術會既前輩 - 培叔﹐ SL17 (多謝背景呀Chris同呀濤)

由左至右: 呀濤﹐ Kelvin哥哥﹐ SL17﹐ 呀King﹐ 同呀Dan

啤牌 - 魔術師常用道具之一。  相信學魔術既朋友一定有學過唔少card tricks。  但係同時﹐ 有唔小既魔術師都有收集啤牌既嗜好,  我係其中一位。   雖然我既收藏品不是很多﹐ 但係收集啤牌吸引我既其中一個原因係因為啤牌有好多唔同既特色。  所以在此想分享幾款幾有特色既收藏品。

呢副望落去好舊既啤牌其實係佢既特色。  成副牌既design都係好殘舊甘﹐ 但係副牌完整無缺﹐分藍紅兩色。

呢副係迪士尼公園係2005年開幕既時候出版既啤牌。  每一張牌係由唔同既迪士尼人物所組成。  (而且因為係香港既迪士尼﹐ 所以每一張牌都有每個迪士尼卡通人物既中文名)。

2006年年宵市場買既啤牌。  裡面每一張牌由設計家畫出最近香港發生既大小新聞﹐ 時事﹐ 世界大事等。  內容多數以政治﹐ 社會為主題。

呢副牌係2007年既年宵市場熱買既product之一。  副牌既主題係三國時代既英雄人物﹐ 而呢副牌特別在每一張牌上面有唔同既三國人物﹐ 而呢D三國人物既樣係由設計者用唔同既香港娛樂圈明星設計出黎。  睇下你/妳地又可以認出幾多人。

京劇臉譜既啤牌。  成副牌有唔同京劇用既面具﹐ 仲有臉譜既名作介紹。  可以當啤牌用之餘﹐ 又可以欣嘗唔同既臉譜﹐ 副牌仲幾靚架。

一代世界級功夫名星李小龍先生為主題既啤牌。  內裡記錄左好多李小龍既劇照﹐ 仲有少少李小龍先生既介紹。  可以令人對呢位永遠既中國功夫明星有更深一步既認識。

本人自認係星球大戰既超級fans!  由細至大﹐ 星戰呢套電影陪住我長大。  呢副牌最吸引人既地方係呢副牌係由唔同星戰既電影海報所組成。  最特別係唔只係外國既海報﹐ 連以前係香港出過既海報都有﹐ 連日本出過既海報都有。

呢副牌係2007年香港魔術節買既牌。  呢副牌其實本身無特別﹐ 但係呢副牌主要係世界魔術大師 - Michael Ammar 為紀念自己成為魔術師五十週年紀念﹐ 仲有佢本人既簽名。  佢D牌係魔術節話甘快就賣晒。  所以話做魔術師可以做到Michael Ammar甘﹐ 可以為自己五十週年紀念做一盒啤牌﹐ 相信魔術界都無邊個啦..... 

除左以上既介紹之外﹐ 牌啤仲有唔少係以卡通人物為主。  例於 Gundam, 叮噹﹐ Hello Kitty等。  其中 Hello Kitty既牌係食 Kit Kat 送既﹐ 所以係非買品。  而且每一張牌裡面既圖案都唔同﹐ 都係好獨特。

每一副啤牌都有佢既特色﹐ 所以收集啤牌可以欣嘗好多唔同特色既啤牌。

自從考試完畢後﹐ 本人做左一隻不折不扣既夜計...  (泥_高士)

晚晚都會好響受寧靜既夜晚而唔想訓覺﹐ 又因為我間房向東﹐ 所以朝朝都比我見到一D好靚既景色。  雖然同魔術唔係有好大既關係﹐ 但係我聽人講過呢個景色叫做 "magic".  所以同大家分享下啦!

5:52am

5:53am

5:54am

5:55am